ASKO Craft

Elegancë e rafinuar

Elektroshtëpiaket ASKO janë të punuara me pasionin për detajet dhe për performacë e saktësi maksimale. Funksionalitete dhe cilësi të frymëzuara nga përdorimi profesional dhe mjeshtëria për të pasuruar jetën e njerëzve. Pikërisht ky është thelbi i filozofisë së dizajnit dhe materialeve të përdorura, të cilat përshtaten në përfeksion me interioret bashkëkohore.

Njohuritë dhe mjeshtëria jonë e kanë shndërruar një furrë në një instrument preciz. Ne përdorurim vetëm materiale rezistente dhe të zgjedhura me kujdes dhe kemi krjuar një produkte elegante që jetojnë shumë gjatë. Me përvojën, njohuritë dhe mjeshtërinë tonë kemi krijuar këtë gamë produktesh që karakterizohen nga rifinitura e jashtëzakonshme dhe ndërfaqet intuitive. Kemi përpunuar një derë xhami të sofistikuar dhe e kemi integruar atë në një kornizë të njëtrajtshme, pa ndërprerje vizuale. Dera e xhamit nxjerr në pah akoma më shumë madhësinë e furrës dhe mundëson një pamje të plotë të zgavrës së furrës.

Inoks në ngjyra të ndryshme

Inoks i zi ASKO

Inoksi i zi është një lloj inoksi me një ngjyrë të shtuar, ku ngjyra e zezë i shton më shumë hijeshi dhe ndihmon që format elegante të dizajnit të shprehen më qartë, ndërsa drita reflektohet në mënyra të ndryshme dhe e bën sipërfaqen të gjallërohet me një shprehje vezulluese.

Inoks ASKO

Inoksi i zi është një trajtim në inoks që i shton ngjyrë dhe stil akoma më të veçantë dizajnit, ndërsa drita reflektohet në mënyra të ndryshme, duke i shtuar më shumë gjallëri dhe pamje vezulluese.

E zezë grafiti nga ASKO

Ngjyra e zezë grafiti ka një aparencë dhe strukturë me një tonalitet më të lehtë, e cila mundëson një përshtatje më të butë dhe pa shumë kontraste të pajisjeve me ngjyrën e kuzhinës. Dizajnet e ndryshme të furrave ekuilibrojnë më shumë elegancë kornizën në ngjyrë të zezë të lehtë dhe rifiniturën e zezë të derës, së bashku me ekranin

Gatim perfekt me furrat ASKO

Ergonomi dhe siguri

Tavat e nxehta të furrës, të cilat shpesh janë të mëdha dhe të rënda, janë shumë të rrezikshme. Për të shmangur çdo incident të mundshëm, kemi krijuar shina teleskopike të thjeshta, të pajisura me funksionin e kyçjes automatike. Shinat teleskopike me kyçje e bëjnë më të përshtatshëm dhe më të sigurt ngarkimin dhe shkarkimin e furrës, pavarësisht se sa të rënda dhe të nxehta janë tavat tuaja.

Aroma natyrale

Provoni shije të reja duke përdorur gatimin me avull, të kombinuar me ajër të nxehtë ose gatuani ushqime të shëndetshme duke përdorur gatimin vetëm me avull. Kjo mënyrë ruan vitaminat, mineralet dhe aromën e plotë të ushqimeve. Mishi, peshku dhe perimet mund të gatuhen në të njëjtën kohë: mjafton të përcaktoni kohën e nevojshme varësisht ushqimit që kërkon më shumë kohë për t’u gatuar. Me furrën ASKO ushqimi gjithmonë do të jetë i gatuar në masën e duhur.

Ushqim funksional

Me furrën e kombinuar me mikrovalë keni fleksibilitetin e nevojshëm për gatime të ndryshme të kombinuara. Ajo mundëson 4 mënyra të ndryshme gatimi: me mikrovalë, gatim koncensional me ventilim, pjekje dhe gatim tradicional të kombinuar me mikrovalë. Me të njëjtin program gatimi mund të përdorni opsionin e shkrirjes, të përdorni opsionin e gatimit koncensional tradicional dhe ta përfundoni me një proces të shkurtër pjekjeje. Me deri në 120 programe automatike ju mund të gatuani gjithçka dhe sipas preferencave tuaja.

Përdorim i thjeshtë

Furrat ASKO vijnë me 4 koncepte të ndryshme ndërfaqejeje, që të gjitha shumë të thjeshta për t’u përdorur, por me dizajne të ndryshme. Linear Concept™ dhe Grid Concept™ janë bashkë-projektuar dhe mund të integrohen në të njëjtën kuzhinë. Touch Exclusive™ është një version ynë totalisht me prekje (full-touch) ku sipas dëshirës mund të ndryshoni mënyrën e preferuar të shfaqjes së informacioni. Linear Concept™ dhe Grid Concept™ shfrytëzojnë një kombinim butonëve me rrotull me numra dhe butonëve me prekje. Icon Led Concept™ është i bazuar në ndërveprimin klasik të numrave.

Gatim me avull

Duke përdorur gatimin me avull, me thjeshtësinë maksimale, çdo ditë ju mund të përgatisni gatime të mrekullueshme në kuzhinën tuaj. Nëse përdorni opsionon e gatimit me avull për pjekjen e bukës, rezultati do të jetë një pjekje shumë e butë në brendësi, një fryrje e plotë dhe kore krokante e artë. Për rezultate perfekte gatimi, mund të përdorni sondën e temperaturës, e cila ju ndihmon të përcaktoni ekzaktësisht kohën e duhur për të hequr bukën nga furra. Shije e garantuar!

Pjekje në disa nivele njëherësh

Shefat e kuzhinës përdorin gjithmonë mënyra të ndryshme gatimi për t'i shtuar më shumë shije gatimeve të tyre. Për shembull, ata përdorin gatimin në temperaturë të ulët për një kohë më të gjatë dhe një pjekje e shpejtë në fund. Pse të mos përdorni programin e pjekjes me avull, me ajër të nxehtë dhe atë të pjekjes në të njëjtin program? S’keni pse të përcaktoni manualisht mënyrat e pjekjes, thjesht përzgjidhni programin në menunë e pajisjes dhe shtypni ‘Start’.

Pianurat ASKO; zonë fleksibël dhe ergonomike gatimi

Vatrat Super Flex Wok™

Ju prezantojmë pianurat e reja ASKO; vatrat Super Flex Wok™. Me një nxehtësi ndërmjet 0.2 kW dhe 4.6 kW ajo ofron mundësi të panumërta për të gjitha llojet e gatimit. Ato mundësojnë një gatim të shpejtë dhe efikas, ku flaka drejtohet lart përmes portave, të cilat janë të vendosura diagonalisht. Për shkak të diametrit më të vogël të kokës së ndezësit, nxehtësia përqëndrohet direkt në pjesën e poshtme të tiganit. Koka e ndezësit është projektuar me një pjesë solide me material rezistent bronzi.

Vatrat hibride A+

Pianurat e reja me gaz të serisë ASKO Craft janë shumë efikase dhe kontrolli i flakës është dukshëm më i mirë, duke drejtuar energjinë e gazit poshtë tenxheres dhe tiganit. Vatrat e ngritura mundësojnë një qarkullim më të mirë të ajrit ndërmjet ndezësit dhe enës. Kjo e mban temperaturën e inoksit dhe smaltit më të ulët dhe redukton mundësinë për tërheqjen e njollave të vajit dhe djegiet. Diametri i vogël i ndezësit mundëson performancë të lartë dhe gjithashtu ofron kontroll të saktë.

Syprinë lehtësisht e pastrueshme

Bazuar në teknologjinë nano, pianurat e inoksit me gaz janë punuar me një shtresë mbrojtëse shumë të hollë, e cila parandalon djegien dhe njollat e vajit dhe ushqimeve në sipërfaqe. Kjo e thjeshton shumë pastrimin e pianurës, pa qenë e nevojshme të përdoni detergjentë të veçantë. Pas katër orësh pjekje në temperaturë 180 °C syprina e pianurave ASKO mund të pastrohet me thjeshtë krahasuar dhe me mënyrat e tjera që përdorin konkurrentët tanë. Variantet në ngjyrë të zezë graffiti janë gjithashtu shumë të thjeshta për t'u pastruar, falë sipërfaqes së emaluar të grafitit të zi.

Ndërveprim intuitiv

Me funksionin Easy Dial™ ju do të keni një mënyrë jashtëzakonisht të shpejtë dhe intuitive për të kontrolluar pianurën. Kjo veçori përdor një funksion inteligjent me prekje në formë rrethore, ku mund të përcaktoni lehtësisht nivelin e nxehtësisë dhe kohën. Rrëshqitja e gishtit në panelin e kontrollit në drejtim të akrepave të orës rrit nivelin e nxehtësisë, ndërsa lëvizja në krahun e kundërt të akrepave të orës redukton nivelin e nxehtësisë. Mund të ndryshoni të njëjtat cilësime, duke përdorur butonin në qendër të rrethit. Nëse mbani të shtypur butonin e kyçjes për pesë sekonda, atëherë ju bllokoni përzgjedhjet e bëra.

Rifreskoni hapësirën tuaj me aspiratorin ASKO

Mirëmbajtje e thjeshtë

Pastrimi periodik i filtrave të aspiratorit është një proces thelbësor për efikasitetin e aspiratorit dhe aftësitë e tij thithëse të avullit dhe tymit. Për të shmangur zgjatjen e intervaleve të pastrimit të filtrave, aspiratori ju sinjalizon automatikisht kur duhet të pastroni filtrat. Filtrat mund të hiqen dhe vendosen lehtësisht dhe mund t'i lani dhe në lavastovilje.

Funksion efektiv Boost

Funksioni ‘boost” i rritjes së shpejtësisë është veçanërisht i rëndësishëm kur kuzhina dhe dhoma e ndenjës janë ngjitur me njëra-tjetrën. Funksioni “boost” i asporatorëve ASKO thith rreth katër herë më shumë ajër në orë, se vëllimi i ajrit në një shtëpi mesatare.

Performancë e integruar

Disa kuzhina mund të jenë më elegante nëse zgjidhni një aspirator të fshehur ose të integruar. Gama e aspiratorëve inkaso dhe me rrëshqitje ju mundëson një integrim elegant, pa kompromentuar performancën e pajisjes. Aspiratorët inkaso janë në madhësi të ndryshme që variojnë nga 52 deri në 120 cm dhe dy modelet me rrëshqitje janë në përmasat 60 dhe 90 cm. Ato, gjithashtu, janë të pajisur me motorë shumë cilësorë pa karbonçina, të cilët janë shumë efiçentë në përdorimin e energjisë.

Indikator për pastërtinë e ajrit dhe filtrit

Nëse janë bllokuar filtrat, atëherë efiçenca e aspiratorit nuk është fare e rëndësishme. Kapaciteti i thithjes në këtë rast reduktohet ndjeshëm. Në raste të tilla ju vjen në ndihmë treguesi i pastërtisë së filtrit, duke ju njoftuar kur duhet të pastroni filtrin e aspiratorit.

Zgjeroni mundësitë e gatimit me sirtarët ASKO Craft

Sirtari i vakumit - Sous-vide

Një program gatimi me avull për ushqimet e paketuara në qese me vakum. Ushqimi i paketuar në qese të veçanta me vakum gatuhet në temperaturë më të ulët dhe më të ngadaltë. Kjo mënyrë gatimi ndihmon në ruajtjen e aromave, vitaminave dhe mineraleve të ushqimit. Mënyra e gatimit me qese me vakum rrit dhe jetëgjatësinë e gatimeve. Përdoreni më shpesh këtë mënyrë gatimi për perimet, frutat, mishin, mishin e shpendëve dhe peshkun.

Sirtari i vakumit - Për një gatim të avancuar

Sirtari i vakumit ASKO Craft ofron një mundësi unike për gatime të avancuara në shtëpinë tuaj. Sirtari ka një lartësi 14 cm dhe është bashkë-projektuar dhe përshtatur për t’u instaluar me dy furrat me avull me përmasa 45 dhe 60 cm të së njëjtës gamë. Sirtari mund të përdoret për përgatitjen e ushqimit për gatime me metodën sous-vide, por dhe për ruajtjen, paketimin ose ndarjen e ushqimit.

Sirtari ngrohës - Shkrirje

Sirtari ngrohës mund të ndihmojë dhe për shkrirjen e produkteve tuaja. Zgjidhni një temperaturë më të ulët dhe vendoseni ushqimin brenda sirtarit.

Sirtari ngrohës - Gatim në temperaturë të ulët

Gatimi në temperaturë të ulët është një metodë fantastike për gatimin e mishit, në mënyrë që ai të ruajë butësinë. Pas pjekjes së shpejtë, ju mund ta vendosni tavën ose enën në sirtar dhe më pas ta gatuani ngadalë për kohën e rekomanduar.

Gjithmonë temperatura e duhur

Komoditet i konvertueshëm

Hapësira e ngrirjes ka një kontroll të veçantë të temperaturës që ju lejon ta konvertoni dhe në frigorifer. Kjo është një veçori fantastike, veçanërisht kur përkohësisht ju duhet të ruani më shumë ushqime për një darkë ose kur keni nevojë për më shumë hapësirë për ruajtjen e ushqimit.

Kontroll i lagështirës për më shumë freski

Sirtarët janë sisteme të mbyllura të dizajnuara për të ruajtur lagështinë që lëshojnë frutat dhe perimet dhe për të parandaluar vyshkjen e tyre. Por, kur është i mbushur plot me fruta dhe perime, lagështia është shumë më e lartë se niveli optimal dhe rrjedhimisht shkakton kalbjen e tyre. Kontrolli i thjeshtë, por efektiv i lagështisë siguron një nivel të përsosur lagështie, pavarësisht sasisë së produkteve.

Për një temperaturë ideale

Nëse ju ka rastisur që vera juaj e preferuar nuk ka shije po aq të mirë sa herën e fundit, kjo në të shumtën e rasteve më shumë varet nga mënyra e ruatjes së saj, se nga ndonjë problem i shkaktuar gjatë përgatitjes së verës. Një faktor i rëndësishëm për ruajtjen dhe zhvillimin e aromave të verës është dhe temperatura e ruajtjes së saj. Me ftohësit tanë për verën ju mund të përcaktoni me saktësi precize temperaturën sipas llojit dhe karakterit të verës që dëshironi të ruani.

Një qilar vere në kuzhinë

Kabineti i verës me inoks të zi, i shton më shumë hijeshi dhe elegancë kuzhinës tuaj. Mund ta përshtasni në variantin inkaso ose të pavarur, sëbashku me kompletin special Wine Center që kombinon ftohësin e verës me frigoriferin apo ngrirësin.